News
Լրահոս
News
Չորեքշաբթի
Հունիս 19
Տեսնել լրահոսը


Առանձնապես խոշոր չափերով կաշառք ստանալու մեջ մեղադրվող Բնապահպանության նախկին նախարար Արամ Հարությունյանի պաշտպան Կարեն Հակոբյանի  կարծիքով՝ ՀՀ վարչապետ Նիկոլ Փաշինյանի հայտարարություննեը չեն կարող բացասաբար չանդրադառնալ Արամ Հարությունյանի գործի վրա։  Նշենք որ 2018թ. հոկտեմբերի 24–ին դեռևս չլուծարված ԱԺ–ում Նիկոլ Փաշինյանը,  խոսելով պատգամավորներից մեկին առնչվող քրեական գործի մասին,  հայտարարել էր, որ դա երրորդ հանրապետության պատմության ամենախոշոր կաշառքի դեպքն է.

«Տարբերակ չկա, էդ պատգամավորը կալանավորվելու է»,–ասել էր Փաշինյանը։ Ավելի ուշ պարզ դարձավ, որ խոսքը ՀՀԿ–ական պատգամավոր Արամ Հարությունյանի մասին է։

Արամ Հարությունյանին կալանավորելու դատարանի որոշումից հետո NEWS.am–ը Հարությունյանի պաշտպան Կարեն Հակոբյանից հետաքրքրվեց, թե Նիկոլ Փաշինյանի այդ ձևակերպումը  հնարավո՞ր է այս գործի վերաբերյալ արդեն իսկ կանխակալ վերաբերմունք  է ձևավորել։

«Կանխակալ վերաբերմունքը չտեսնել  հնարավոր չէ, բնականաբար քննությունը պետք է կատարվի եւ ամեն ինչ պարզաբանվի։ Ես չեմ ուզում քննությանը պիտակավորեմ, բայց անկախ ամեն ինչից նման բարձրաստիճան պաշտոնատար անձի հայտարարությունները չեմ կարծում, որ բացասական իմաստով ազդեցություն չունենան քննության ընթացքի վրա»,–ասաց նա։

 Հարցին, թե այդ հայտարարությունը հնարավո՞ր է կապ ունի դատարանի այսօրվա որոշման հետ, Հակոբյանն ասաց.

«Դա հնարավոր չէ իրարից անջատ ուսումնասիրել, դիտարկել. բնականաբար ամեն ինչ իրար հետ կապված է»։

Հիշեցնենք, որ այսօր՝ հունվարի 18–ին  Երեւանի ընդհանուր իրավասության դատարանի դատավոր Վարդան Գրիգորյանը բավարարեկ է ՀՔԾ–ի միջնորդությունը եւ կալանավորման որոշում կայացրել Արամ Հարությունյանի նկատմամբ։ Նրա նկատմամբ հայտարարված է հետախուզում։

Ավելի վաղ ՀՔԾ–ն հայտնել է, որ առանձնապես խոշոր չափերով կաշառք ստանալու դեպքի առթիվ ՀՀ հատուկ քննչական ծառայությունում հարուցված քրեական գործի նախաքննությամբ ձեռք բերված բավարար ապացույցների համակցության հիման վրա Արամ Հարությունյանը որպես մեղադրյալ է ներգրավվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով եւ 190-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքների կատարման համար, որ նա, հանդիսանալով ՀՀ գործադիր իշխանության ղեկավար աշխատող, իր հետ մտերիմ հարաբերությունների մեջ գտնվող անձանց օժանդակությամբ առանձնապես խոշոր չափերով կաշառք է ստացել, ապա՝ օրինականացրել հանցավոր ճանապարհով ստացված առանձնապես խոշոր չափերով գույքը:

Արամ Հարությունյանի նկատմամբ հայտարարվել է հետախուզում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Աթենքի արվարձաններում խոշոր անտառային հրդեհ է բռնկվել
փոթորկի ուժգնության քամու պատճառով կրակի բոցը շատ արագ տարածվել է...
Ավտովթար  Գավառ-Մարտունի ավտոճանապարհին. կա զոհ
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ…
Գողության կազմակերպիչն ու օժանդակողը կալանավորվել են, կատարողը որոնվում է. տարել էին 55 հազար դոլար
Մայիսի 31-ին, առավոտյան ժամը 8.48-ին, ոստիկանություն էր ահազանգել Քասախ գյուղի մի բնակիչ և հայտնել, որ տնից գումար են գողացել: Կոտայքի մարզի…
Այսօր առավոտյան իր տնից առեւանգել են 44-օրյա պատերազմում զոհված փոխգնդապետ Արթուր Հովսեփյանի եղբորը
Զինվորականի ընտանիքը շարունակում է պայքարը հայրենքի պաշտպանության ու արժանապատվության համար, եւ այսօր արդեն այս իշխանությունների օրոք…
Պատասխան հարվածը դանակով էր. Վաղարշապատի ոստիկանների բացահայտումը
Բաժնի անչափահասների գործերով և ընտանիքում բռնության կանխարգելման բաժանմունքի ծառայողների օպերատիվ-հետախուզական միջոցառումներով…
Եղվարդում վիճաբանության ժամանակ 35-ամյա երիտասարդը բահով հարվածել է 69-ամյա հարևանի գլխին
Ոստիկանության Նաիրիի բաժնից մեկնած օպերատիվ խումբը պարզել է, որ ժամը 16-ին հարևանների միջև կենցաղային հարցերի շուրջ վիճաբանություն է եղել, որի…
Ամենաշատ
Ֆոտոռեպորտաժներ