Կոռուպցիա միշտ եղել է, կա եւ կլինի. չեմ հիշում, թե ով է ասել, որ Հայաստանում այլեւս կոռուպցիա չկա, բայց դա հաստատ ասողի հերթական սուտն է եղել: Այս մասին Facebook-ի իր էջում գրել է քաղաքական վերլուծաբան Ստեփան Դանիելյանը:
Նա, մասնավորապես, նշել է.
«Կռացիր ղեկավարության առջեւ, եւ քո տունը կարգին վիճակում կլինի, քո վարձը քեզ կբավարարի, քանզի վատ են գնում նրանց գործերը, ովքեր հակաճառում են ղեկավարներին, սակայն հեշտ է ապրելը, երբ նրանք քեզ բարեհաճ են»:
Այս խոսքերի հեղինակը ոչ ՀՀԿ-ական է, ոչ էլ` նիկոլական, այլ Իտախոտելն է, մի խորաթափանց հին եգիպտական պաշտոնյա:
Կոռուպցիա միշտ եղել է, կա եւ կլինի: Չեմ հիշում, թե ով է ասել, որ Հայաստանում այլեւս կոռուպցիա չկա, բայց դա հաստատ ասողի հերթական սուտն է եղել:
Կոռուպցիան, ինչպես հակահեղափոխականների, այնպես էլ հեղափոխականների teambuilding-ի հիմնական եւ գուցե միակ հիմքն ու իմաստն է: Կոռուպցիայի դեմ պայքարի միակ միջոցը տնտեսության զարգացումն է ու աշխատավարձերի բարձրացումը, իսկ մինչեւ այդ միակ բանը, ինչ կարող է անել կառավարությունը, դա կոռուպցիան կառավարելի դարձնելն է, այսինքն կոռուպցիայի «խաղի կանոնների» մշակելը, որքան էլ դա դաժան չհնչի:
Այսինքն այն դարձնել վերահսկելի, այլ ոչ թե տարերային, ինչպես հիմա է»: