Սիրիայից ամերիկյան զորքերի դուրսբերման հարցը քննարկվել է ԱՄՆ պետքարտուղար Մայք Պոմպեոյի եւ Թուրքիայի ԱԳ նախարար Մեւլութ Չավուշօղլուի հեռախոսազրույցում։

ԱՄՆ պետդեպը հայտնում է, որ զրուցակիցները քննարկել են ԱՄՆ-ի եւ Թուրքիայի շարունակական փոխհարաբերությունները՝ Սիրիայից ամերիկյան զորքերի կանխորոշված եւ համակարգված դուրսբերման շրջանակներում։ Պոմպեոն հաստատել է թուրք-սիրիական սահմանին Թուրքիայի անվտանգության խնդրի լուծմանը Միացյալ Նահանգների հավատարմությունը՝ ընդգծելով, որ ԱՄՆ-ը մեծ կարեւորություն է տալիս այն ուժերի պաշտպանությանը, որոնք իր հետ համագործակցել են ԻԳԻԼ-ի դեմ պայքարում։