Նիկոլ Փաշինյանի թիմում մի շարք գործիչներ սխալներ են թույլ տալիս միջազգային ասպարեզում հարաբերությունների հաստատման հարցում: Այս մասին հայտարարեց «Դիալոգ» կազմակերպության նախագահ Յուրի Նավոյանը հունվարի 22-ին Երեւան-Մոսկվա տեսակամուրջի ժամանակ:
Նրա խոսքերով, դա անփորձության արդյունք է, ուստի շատ կարեւոր է, որ երիտասարդ կադրերը խորհրդակցեն ավելի փորձառու մասնագետների հետ: «Կարճ ժամանակահատվածում խնդիրները լուծելու ցանկությունը չպետք է վնասի դաշնակցային հարաբերություններին, որոնք կառուցելու համար երկար ժամանակ է պահանջվել», - ասաց Նավոյանը:
Նա ընդգծեց, որ Հայաստանը հետխորհրդային տարածքում միակ երկիրն է, որը հանդիսանում էԵՏՄ-ի, ՀԱՊԿ-ի անդամ է եւ միաժամանակ ունի ԵՄ-ի հետ կնքած համապարփակ եւ ընդլայնված գործընկերության համաձայնագիր: «Հայաստանի նոր իշխանությունները պետք է ձգտեն շարունակել բազմավեկտոր արտաքին քաղաքական կուրսը», - բացատրեց փորձագետը:
Յուրի Նավոյանը գտնում է, որ Հայաստանի եւ Ռուսաստանի միջեւ հարաբերությունները կարող են ընթանալ տեղեկատվական տեխնոլոգիաների, ռազմարդյունաբերական համալիրի, Իրանի հետ սահմանին ազատ առեւտրի գոտու ստեղծման շուրջ համագործակցության ճանապարհով: «Հուսով ենք, որ տարածաշրջանային եւ եվրասիական ինտեգրման հարցերով մշտական խորհրդարանական հանձնաժողովի ստեղծումը կլինի այդ նախագծերի իրականացման սկիզբը», - եզրափակեց նա:
