Ամեն տարի հունվարի 23-ին աշխարհում նշվում է Ձեռագրի օրը, ավելի ստույգ ասած, Ձեռքով գրի օրը (National Handwriting Day), որը հիմնադրվել է, որպեսզի մեզ հիշեցնի գրելու յուրօրինակության մասին, նրանում հմտանալու մասին եւ յուրաքանչյուր մարդու ձեռագրի անկրկնելիության մասին։

Չէ որ համակարգիչների, էլեկտրոնային փոստի, էլեկտրոնային ծոցատետրի, SMS-ների սթիքերների եւ արագ հաղորդակցման այլ միջոցների տարեցտարի աճող ժողովրդականությունը ժամանակակից մարդուն հեռացնում է իր մտքերը իր ձեռքով գրելու հնարավորությունից։ Գուցե ոչ հեռու ապագայում ձեռագիր նամակը կամ բացիկը ցանկալի ձեռքբերում կլինեն։

Ձեռագրի օրվա նախաձեռնողը Գրելու իրեր արտադրողների ասոցիացիան է (Writing Instrument Manufacturers Association, WIMA)։