Իտալիայի վաչապետ Մատեո Սալվինին հուսով է, որ ֆրանսիացի ժողովուրդը այս տարվա վերջին կայանալիք ընտրություններում թույլ չի տա նախագահ Էմանուել Մակրոնի կուսակցությանը հայտնվել Եվրոպական խորհրդարանում՝ հայտնում է Reuters-ը։

Իտալիայի եւ Ֆրանսիայի, որպես մոտ դաշնակիցների, հարաբերությունները վատացել են այն ժամանակվանից, երբ ծայրահեղ աջ «Լիգա»-ն եւ «Հինգ աստղ» շարժումը Իտալիայում ձեւավորեցին կոալիցիոն կառավարություն եւ թիրախավորեցին Մակրոնի «Առա՛ջ, Հանրապետություն» կուսակցությունը։

«Հնարավոր է՝ Մակրոնն այլեւս մեր զրուցակիցը չի լինի ապագայում։ Նրան աջակցությունը 20 տոկոսից էլ քիչ է»,- իտալական պետական RAI ռադիոալիքին տված հարցազրույցում ասել է Սալվինին։

Սալվինիի մեկնաբանությունները առաջացրել են Ֆրանսիայի ԱԳՆ-ի ցասումը։ «Այդ չհիմնավորված հայտարարությունները պետք է դիտարկել իտալական ներքին քաղաքականության համատեքստում»,- ասել է նախարար Ագնես Ֆոն Դեր Մյուլը։

Ֆրանսիան Իտալիայի դեսպանին հիշեցրել է այն «սահմանների» մասին, որոնք չպետք է անցնել, որպեսզի ֆրանս-իտալական հարաբերությունները մնան բարեկամական։