Մասաչուսեթսի տեխնիկական համալսարանի (MIT) ինժեներներն արհեստական ինտելեկտ են ստեղծել, որը կարող է հայտնաբերել սոցիալական խմբում թաքնված սոցիալական կապերը, հաղորդում է HighTech-ն՝ վկայակոչելով MIT Technology Review-ին:
Թաքնված սոցիալական կապերը չբարձրաձայնված կանոնակարգ են, համաձայն որի էլ կառուցվում են հարաբերությունները մարդկանց խմբում: Այդպիսի կապերն են որոշում, թե ով է այդ խմբում գլխավորը, եւ ով ձայնի իրավունք չունի: Այս փոխհարաբերությունների հիման վրա մարդը հասկանում է, թե խմբից ում հետ հաղորդակցվի եւ ում հետ`ոչ:
Հետազոտողները կարծում են, որ լիարժեք ԱԻ ալգորիթմ ստանալու համար անհրաժեշտ է նրան սովորեցնել ճանաչել նման կապերը: Ստեղծված նեյրոցանցը նրանք առաջին հերթին փորձարկեցին տեսախաղեր խաղացողների խմբի վրա, որտեղ նա պետք է բացահայտեր մի թիմի անդամներին եւ հետո կանխատեսեր նրանց գործողությունները: Երկրորդ փուլն անհրաժեշտ էր հասկանալու համար՝ արդյոք ԱԻ-ն ճիշտ ձեւակերպեց մեկ դաշինքի մասնակիցներին:
