Մինչեւ 2020թ․ ՆԱՏՕ-ի անդամները պաշտպանության համար 100 մլրդ դոլար կտրամադրեն։ Այս մասին Դավոսում Համաշխարհային տնտեսական համաժողովի շրջանակներում կայացած «Տրանսատլանտյան դաշինքի ապագան» նիստի ընթացքում հայտարարել է ՆԱՏՕ-ի գլխավոր քարտուղար Ենս Սթոլթենբերգը։
Նա ընդգծել է տրանսատլանտյան ուժեղ համագործակցության եւ ինստիտուտների կարեւորությունը։ Սթոլթենբերգն ասել է, որ Եվրոպան եւ Հյուսիսային Ամերիկան արդեն ավելի քան 70 տարի ուս ուսի կանգնած են ՆԱՏՕ-ում՝ պաշտպանելով ընդհանուր շահերը եւ արժեքները։
Նա հայտնել է, որ 2016-ից սկսած՝ եվրոպական դաշնակիցները եւ Կանադան լրացուցիչ 41 մլրդ դոլար են ծախսել պաշտպանության համար։ Նա հայտարարել է, որ մինչեւ 2020թ․ այդ թիվը պետք է հասնի մինչեւ 100 մլրդ դոլարի։