Եղանակային անբարենպաստ պայմանների պատճառով «Աերոֆլոտ» ավիաընկերության կողմից հանված 130 չվերթներից երկուսը Մոսկվայից Երեւան եւ հակառակ ուղղությամբ են։
Հանված չվերթների ցուցակում նշվում է Երեւան-Մոսկվա (SU1861) շաբաթ օրվա՝ հունվարի 26-ի չվերթը։ Չի կայանա նաեւ Մոսկվա-Երեւան (SU1868) չվերթը, որը նախատեսված էր հունվարի 27-ին։
Ավիաընկերության հաղորդագրության մեջ նշվում է, որ հունվարի 26-ին կհետաձգվի 68, իսկ հունվարի 27-ին՝ եւս 63 չվերթ։
Եղանակի կանխատեսումներով՝ հանգստյան օրերին Մոսկվայում եւ Մոսկվայի մարզում ձյուն կտեղա, տեղ-տեղ՝ առատ, սպասվում է մրրիկ եւ ձյան կուտակումներ։