Կոսովոյի կառավարությունը մերժել է ԵՄ-ի ներկայացուցչի առաջարկությունն այն մասին, որ խոշոր հանքարդյունահանող համալիրը պետք է Սերբիայի հետ հարաբերությունների կարգավորման բանակցությունների մաս դառնա, հայտնում է AP-ն:
Կոսովոյի կառավարության հայտարարությունում նշվում է, որ ԵՄ ներկայացուցչի՝ սերբական Tanjug պետական լրատվական գործակալությանը տված մեկնաբանությունն այն մասին, որ Տրեպչա համալիրը պետք է ներառվի բանակցություններում, «աննախադեպ է, անընդունելի եւ խախտում է Կոսովո պետության ինքնիշխանությունը»: Կառավարությունը հայտնել է, որ սա «կեղծ խնդիր է, որը բացահայտ ուղղված է Կոսովոյի բաժանմանը»:
Տրեպչան Եվրոպայում խոշոր կապարա-ցինկային եւ արծաթի հանք է, մայրաքաղաք Պրիշտինայից 50 կմ դեպի հյուսիս է գտնվում:
