Լորիս-Մելիքովի անվան արհեստակցական ուսումնարանի 150-ամյակի պատվին Վլադիկավկազում հուշատախտակ են բացել, հաղորդում է «ԱլանիաՏՎ»-ն:
Ուսումնարանը հիմնադրվել է Թերեքի նահանգապետ, գեներալ-համհարզ Միխայիլ Լորիս-Մելիքովի միջոցներով: Երկար ժամանակ այն Թերեքի մարզում միակ եւ Հյուսիսային Կովկասի երկրորդ պետական կրթական հաստատությունն էր, որտեղ կարող էին կրթություն ստանալ լեռնաբնակ պատանիները:
Հուշատախտակի բացման նախաձեռնողներն են Ազգային հարաբերությունների հարցերով նախարարությունը եւ «Էրեբունի» հայկական ազգային մշակութային ընկերությունը: Հատուկ հյուր է եղել Հարավային դաշնային շրջանում Հայաստանի գլխավոր հյուպատոս Վարդան Ասոյանը:
