Կոռուպցիայի դեմ պայքարի կարեւոր գործիքներից մեկը կարող է լինել օրենքով սահմանված որոշակի ոլորտներում գործունեություն ծավալող պետական գրանցում ստացած իրավաբանական անձանց իրական սեփականատերերի բացահայտումը եւ նրանց վերաբերյալ տեղեկությունների ընդհանուր եւ հանրամատչելի հարթակի ներդրումը՝ ապահովելով իրական սեփականատերերի վերաբերյալ տվյալների հրապարակայնությունը։ Այս մասին ասված է կառավարության ծրագրում:
Ծրագրի «տնտեսական գործունեության թափանցիկությունը» բաժնում, մասնավորապես, նշվում է, որ Կառավարությունը մտադիր է մշակել այդ հարթակի ներդրման ճանապարհային քարտեզ։
Անհրաժեշտ է նաեւ վերանայել պետական գրանցում ստացած իրավաբանական անձանց՝ միասնական պետական գրանցամատյանում առկա տեղեկությունների՝ հանրությանը հասանելի դարձնելու մեխանիզմները՝ վերացնելով օրենքով նախատեսված պետական տուրք վճարելու պայմանը՝ սահմանված կարգով հաշվառված լրատվամիջոցների համար եւ ապահովելով հանրային շահերին վերաբերող հարցերի շուրջ հավաստի եւ ամբողջական տեղեկատվության ազատությունը։