2018թ․ Microsoft-ը SEC-ին ուղարկել է հերթական ամփոփագիրը՝ դրանում ներառելով արհեստական ինտելեկտի վտանգների մասին կետ՝ հայտնում է HighTech-ը՝ վկայակոչելով Quartz-ին։
Շատ բաներով ԱԻ-ի ոլորտում առաջատարության շնորհիվ Microsoft-ը մտնում է այն ինը ընկերությունների մեջ, որոնք որոշում են մարդկության ապագան։ Սակայն պաշտոնյաների համար կազմված ամփոփագրի մեջ խոստովանում է, որ ինքն էլ չի վերահսկում այդ գործընթացը։ Ժամանակակից ԱԻ-համակարգերը կատարյալ չեն։ Տվյալների բազաները, որոնք օգտագործում են ալգորիթմների մարզումների համար, կարող են ոչ օբյեկտիվ տեղեկատվություն պարունակել եւ նպաստել նախապաշարումների տարածմանը։
Թաքնված կանխակալությունը կարող է ստիպել ԱԻ-ին ոչ ճիշտ որոշում կայացնել եւ ոչ պատշաճ դատողություն անել։
Այդ դեպքում պատասխանատվությունը կկրի ընկերությունը։ «Եթե մենք ԱԻ-ի բազայում ներդնենք որոշումներ, որոնք բացասաբար են ազդում մարդու իրավունքների, գաղտնիության, զբաղվածության մակարդակի եւ այլ սոցիալական գործոնների վրա, ապա մեր վարկանիշը կտուժի»,- հաշվետվության մեջ նշել են Microsoft-ի ներկայացուցիչները։
Նրանք նաեւ հավելել են, որ մեքենայի ուսուցման անկատարությունները կարող են ընկերությանը վնասել մրցակցության ասպարեզում։ Լուրջ խախտումների դեպքում ընկերությունը ստիպված կլինի պատասխան տալ դատարանի առաջ։
Microsoft-ն առաջին անգամ պաշտոնական փաստաթղթում խոստովանել է, որ ինքը ալգորիթմների գործունեության համար ստիպված կլինի ինչպես իրավական, այնպես էլ սոցիալական պատասխանատվություն կրել
Ընդ որում, դա վերաբերում է ոչ միայն խտրականության հետ կապված դեպքերին։ Եթե ԱԻ-ն մարդուն զրկի աշխատանքից, Microsoft-ը նույնպես ստիպված կլինի պատասխան տալ։