Բրազիլիայի նախագահ Ժաիր Բոլսոնարուի մոտ հայտնաբերվել է թոքաբորբի կլինիկական վիճակ, հայտնում է Globo-ն՝ վկայակոչելով Սան Պաուլուի Albert Einstein հոսպիտալը:
Բուժզննման տվյալներով՝ Բոլսոնարուի ջերմությունը հասել է մինչեւ 38 աստիճանի: Կատարվել է նրա կրծքավանդակի տոմոգրաֆիա, ճշտվել է հակաբիոտիկների դեղաչափը: Նրա մամուլի քարտուղարը հայտարարել է, որ թոքաբորբը բակտերիալ բնույթ ունի:
Հունվարի 28-ին Բոլսոնարուն վիրահատվել էր սեպտեմբերին իր դեմ մահափորձի ժամանակ դանակահարվածի հետեւանքով ստացած վնասվածքներից հետո: Ավելի ուշ երկրի նախագահական պալատից հայտնել էին, որ նրա վիճակը կայուն է եւ «արդեն ի վիճակի է իր գործառնությունները կատարել»:
Բոլսոնարուն վիրավորվել էր սեպտեմբերի 6-ին Ժուիզ դի Ֆորու քաղաքում նախընտրական հանրահավաքի ժամանակ: