Հայաստանին ձեռնտու չէ Ռուսաստանում սոցիալ-տնտեսական իրավիճակի վատթարացումը, քանի որ հանգեցնում է ներգաղթի մեծացմանը եւ տրանսֆերտների կրճատմանը: Փետրվարի 8-ին «Շարժունությունը եւ միգրացիոն հոսքերը. Հայաստանի մարտահրավերները եւ հնարավորությունները» սեմինարի ժամանակ այս մասին ասաց ժողովրդագիր Արտակ Մարկոսյանը:
Նրա խոսքով՝ Ռուսաստանում տնտեսական իրավիճակի բարելավումը հանգեցնում է նրան, որ աշխատանքային միգրացիայի ներկայացուցիչները ձգտում են իրենց ընտանիքներին երկրից տանել: «Հայրենադարձության եւ վիզային ռեժիմի դյուրացման մասին համաձայնագիրը եւ հետագայում Եվրամիության հետ առանց վիզային ռեժիմի մասին համաձայնագիրը կարող են դիվերսիֆիկացնել աշխատանքային միգրացիայի հոսքը: Դրանից բացի, բացառված չէ, որ դա կարող է բերել տրանսֆերտների աճի՝ հաշվի առնելով Վրաստանի փորձը, որտեղ համապատասխան համաձայնագրի ուժի մեջ մտնելուց հետո ուղեւորահոսքը 2,5 անգամ աճեց»,- նշեց փորձագետը:
