Թաիլանդի բջջային կապի 3 խոշոր օպերատորներից մեկը՝ AIS ընկերությունը հայտարարել է աշխարհում առաջին խանութի բացման մասին, որտեղ հաճախորդներին սպասարկող անձնակազմ չկա, միայն արհեստական ինտելեկտ, հայտնում է Life-ը:
Նախագծի հեղինակները նշում են, որ նոր առեւտրի կետում նաեւ հերթեր չկան եւ կանխիկով հաշվարկ: Բոլոր ցուցադարակների ապրանքը կարելի է ընտրել ինտերակտիվ էկրանի միջոցով եւ նույն պահին վճարել բանկային քարտով: Եթե հաճախորդի մոտ հարցեր են առաջանում ապրանքի կամ ընկերության ծառայությունների վերաբերյալ, նրան կօգնի արհեստական ինտելեկտով կառավարվող ռոբոտ Լիզան՝ առեւտրի կետում միակ խոսող բնակիչը:
Խանութի ստեղծման համար ծախսվել է շուրջ 20 մլն բատ (635,8 հազար դոլար): Սակայն AIS-ի մասնագետները նշում են, որ նախաձեռնությունը այլ խանութների համեմատությամբ, որտեղ մարդիկ են աշխատում, պետք է շահագործման ծախսերը 30-40 տոկոսով նվազեցնի:
Ընկերությունից հայտարարել են, որ առայժմ միայն սպասում են նոր խանութի աշխատանքի առաջին արդյունքներին, սակայն ծրագրում են համանման սխեմայի անցնել AIS-ի բոլոր առեւտրի կետերում. Թաիլանդում ավելի քան 160 կետ կա: