Էջմիածնի քաղաքապետարանում արդեն օպտիմալացվել է 2019-ի հաստիքացուցակը: Այս մասին, այսօր՝ փետրվարի 11-ին, ԱԺ-ում լրագրողների հետ զրույցում նշեց Էջմիածնի քաղաքապետ Դիանա Գասպարյանը՝
«Անհարկի հաստիքացուցակը բերվել է ավելի պատշաճ տեսքի: Արդյունքում բավականին լուրջ աշխատավարձային ֆոնդ է տնտեսվել՝ մոտ 40 մլն դրամ: Թիվը չեմ հիշի, կրճատվել են ավելի շատ հաստիքներ, որոնք նշանակված չեն եղել: Իսկ նախկին իշխանությունների բարեկամների, հարազատների համար արհեստականորեն ստեղծված հաստիքներ են եղել, որոնք արդեն չկան»,-ընդգծեց նա:
