ԱՄՆ կառավարությունը կշարունակի սաուդցի լրագրող Ջամալ Խաշոգջիի սպանության հետաքննությունը՝ ասել է պետքարտուղար Մայք Պոմպեոն՝ հայտնում է Reuters-ը։
«Ամերիկան չի կոծկում սպանությունը»,- ասել է նա՝ հավելելով, որ Միացյալ Նահանգները լրացուցիչ միջոցներ կկիրառի պատասխանատվության ենթարկելու համար բոլոր նրանց, ով մեղավոր է Խաշոգջիի սպանության մեջ։
Հիշեցնենք, որ սաուդցի լրագրող Ջամալ Խաշոգջին անցյալ տարվա հոկտեմբերին սպանվել էր Ստամբուլում Սաուդյան Արաբիայի հյուպատոսությունում։
