Հնդկաստանը կձեռնարկի դիվանագիտական բոլոր հնարավոր քայլերը, որպեսզի ապահովի Պակիստանի «լիակատար մեկուսացումը»՝ ի պատասխան «Ջայշ է Մոհամադ» իսլամիստական խմբավորման զինյալների հարձակման, որի հետեւանքով Քաշմիրում 44 հնդիկ ոստիկան է զոհվել։ Այս մասին հայտարարել է Հնդկաստանի ֆինանսների նախարար Արուն Ջեյթլին, տեղեկացնում է Reuters-ը։
Ըստ նրա՝ Հնդկաստանը կչեղարկի Առեւտրի համաշխարհային կազմակերպության կանոններին համապատասխան Պակիստանին տրամադրած արտոնությունները։