Տոմսկում քրեական գործ է հարուցվել մեկ ամսական երեխայի մահվան փաստով, որի վրա հարձկավել են տան շները, տեղեկացնում է Ինտերֆաքսը՝ հղում կատարելով ՌՔԿ Տոմսկի մարզի քննչական վարչության մամուլի ծառայությանը։
Նախնական տվյալներով՝ փետրվարի 13-ին Տոմսկի մասնավոր հատվածում ապրող կինը տնից դուրս է եկել բակ՝ մեկ ամսական աղջկան թողնելով մանկասենյակում։ Այդ ժամանակ տանը երկու շներն էին՝ գերմանական հովվաշունը եւ ռոտվեյլերը։ Տուն վերադառնալով՝ կինն աղջկան գտել է բազմոցին պառկած՝ գլխի եւ մարմնի բազմաթիվ վնասվածքներով, որոնք նման են եղել կենդանիների ատամնահետքերի։
Երեխան հասցվել է բուժհաստատություն, որտեղ հաջորդ օրը մահացել է ստացած վնասվածքներից։
Գործ է հարուցվել ՌԴ Քր.օր 109 հոդվածի 1-ին մասով (անզգուշությամբ մահվան պատճառում)։
Քննիչները որպես կասկածյալ հարցաքննել են զոհված երեխայի մորը։