Բեռլինը եւ Փարիզը միասնական պաշտպանական արտահանման լիցենզավորման ընթացակարգերի վերաբերյալ բանակցություններ են վարում: Հերթական մամուլի ասուլիսին այս մասին հայտնել է կառավարության պաշտոնական ներկայացուցիչ Շտեֆեն Սեյբերը, հաղորդում է Reuters-ը:
Նրա խոսքով՝ Բեռլինը եւ Փարիզը բանակցում են այդ հարցի շուրջ պաշտոնական համաձայնության գալու համար:
Ավելի վաղ գերմանական Der Spiegel ամսագիրը հայտնել էր, որ հունվարին Գերմանիան եւ Ֆրանսիան ստորագրել են պաշտպանական համաձայնագիր, որի նպատակն է կարգավորել զենքի արտահանումը երրորդ երկրներ: