Հովհաննես Թումանյանի թբիլիսյան տանը բացվել է մեծ հայորդու արձանը։
Վրաստանում ՀՀ դեսպանությունը Facebook-ի իր էջում նաեւ լուսանկարներ է հրապարակել:
Արձանը «Հովհաննես Թումանյանի տուն» գիտամշակութային կենտրոնին նվիրել է Վրաստանի խորհրդարանի պատգամավոր Դավիդ Չիչինաձեն: Հուշարձանի հեղինակը ճարտարապետ Դավիդ Սիրբիլաձեն է:
Նշենք, որ այսօր նշվում է Հովհաննես Թումանյանի ծննդյան 150-ամյակ։ Հայ մեծ բանաստեղծը 14 տարեկանում տեղափոխվելով Թիֆլիս՝ իր կյանքի մեծ մասը՝ շուրջ 4 տասնամյակ, անցկացրել է այնտեղ՝ իր կյանքն ու ստեղծագործական գործունեությունը կապելով այդ հրաշալի քաղաքի հետ։