«Ամերիաբանկը» Վերակառուցման եւ զարգացման Եվրոպական բանկից (ՎԶԵԲ) մրցանակ է ստացել «Ջերմոցային տնտեսությունում կանաչ ներդրումների աջակցության համար» անվանակարգում:
«10 տարվա ընթացքում «Ամերիաբանկը» էներգախնայողությանն ուղղված ծրագրերով ՎԶԵԲ-ի հատկացված ընդհանուր գումարից ավելի քան 100 մլն դոլարից մոտ 25 տոկոս է ներգրավել», -ՎԶԵԲ-ի կողմից մի շարք հայկական ընկերությունների եւ բանկերի պարգեւատրման հանդիսավոր արարողությանը լրագորղոների հետ զրույցում ասել է «Ամերիաբանկի» կորպորատիվ վարկավորման բաժնի ղեկավար Վահան Կաջայանը:
Միեւնույն ժանանակ նա նշել է, որ վերջերս բանկը նույն նպատակների համար եւս 12.5 մլն դոլարի ներգրավման մասին պայմանագիր է կնքել, որոնք կբախշվեն 2019 թվականին: Ըստ Կաջայանի՝ աջակցություն է ցուցաբերվել տարբեր ջերմոցային տնտեսություններին, որոնք զբաղվում են ծաղկի, լոլիկի, ելակի աճեցմամբ:
«Զուտ աշխարհագրորեն մենք ներկայացված ենք գրեթե բոլոր մարզերում: Ջերմոցների թիվը մոտ տասն է, իսկ զբաղեցրած մակերեսը ավելի քան 50 հա է», - նշեց Վահան Կաջայանը՝ հավելելով, որ միջոցներն ուղղվում են ոչ միայն գոյություն ունեցող ջերմոցային տնտեսությունների աջակցությանը, այլեւ նորերի ստեղծմանը:
Ընդ որում բանկի ներկայացուցիչն ասել է, որ էներգախնայող տեխոնոլագիաների զարգացման միտումը նկատվում է ոչ միայն Հայաստանում, այլեւ ողջ աշխարհում, իսկ տեխնոլոգիաների զարգացումը դրանք մատչելի եւ հետաքրքիր է դարձնում, հատկապես Հայաստանի համար, որը «ոչ կանաչ» էներգառեսուրսներ չունի:
«Դա ավելի կարեւոր է, քանի որ տարածքը փոքր է եւ հարցը ոչ միայն էներգառեսուրսների պահպանման, այլեւ բնապահպանության աջակցության մեջ է», - եզրափակեց նա: