Ռուսաստանում Հայաստանի դեսպան Վարդան Տողանյանը հանդիպել է ՌԴ նախագահի՝ Մերձավոր Արեւելքի եւ Աֆրիկայի երկրների գծով հատուկ ներկայացուցիչ, Ռուսաստանի փոխարտգործնախարար Միխայիլ Բոգդանովի հետ։ Այս մասին տեղեկացնում է ՌԴ-ում Հայաստանի դեսպանությունն իր ֆեյսբուքյան էջում։ Զրույցի ընթացքում, հայ-ռուսական արտաքին քաղաքական փոխգործակցության համատեքստում տեղի ունեցավ մերձավորարեւելյան հրատապ խնդիրների քննարկում՝ սիրիական ճգնաժամի կարգավորման մարդասիրական ուղղության շեշտադրմամբ։