Xiaomi ընկերությունը ներկայացրել է նոր առաջատար Mi 9 սմարթֆոնը։ Մոդելի արժեքը 450-600 դոլար է կազմում։ Սկզբնական շրջանում այն հասանելի կլինի միայն Չինաստանում, սակայն հետո կտարածվի նաեւ այլ երկրներում՝ հայտնում է The Verge-ն։

Սմարթֆոնը ստեղծվել է Qualcomm-ի Snapdragon 855 պրոցեսորի հիման վրա։ Mi 9-ը հասանելի կլինի 6 կամ 12 գիգաբայթ օպերատիվ հիշողություններով։ Մշտական հիշողության ծավալը կկազմի 256 գիգաբայթ։

Մոդելի հիմնական խցիկը եռամոդուլ է՝ 48, 12 եւ 16 միգապիքսել։ Սրանից բացի, կա նաեւ 20 մեգապիքսելանոց դարձերեսի խցիկ։

Սմարթֆոնը կունենա ամենաարագ լիցքավորումը՝ այն կարելի կլինի լիովին լիցքավորել 40 րոպեի ընթացքում։ Տուփում կա նաեւ անլար լիցքավորման սարք, որը գաջեթը 1 ժամում է լիցքավորում։

Mi 9-ի հետ միասին ներկայացվել է նաեւ Mi 9 SE մոդելի էժանացված տարբերակը՝ հայտնում է ixbt.com-ը։ Այն եւս երեք խցիկ կունենա, սակայն զգալիորեն փոքր կլինի Mi 9-ից։ Բյուջետային տարբերակը լիցքավորման անլար սարք չի ունենա։