Չինաստանի արեւելքում Ցզյանսի նահանգի Ցզիան քաղաքում դանակով զինված տղամարդը հարձակվել է մարդկանց բազմության վրա, հայտնում է տեղական ոստիկանությունը, փոխանցում է «ՌԻԱ Նովոստի»-ն:

Հարձակումը կատարվել է տեղական ժամանկով 07.12-ին Ցզիչժոու շրջանի փողոցներից մեկում: Ոստիկանության աշխատակիցներին եւ անցորդներին հաջողվել է հարձակվողին արագ կանգնեցնել, 11 տուժածներին հոսպիտալացրել են:

Նախնական տեղեկություններով՝ հարձակվողը 33-ամյա տեղացի է: Ազգականների խոսքով՝ տղամարդը նախկինում բուժվել է հոգեկան խանգարման դեմ: