«ՀԱՅԲԻԶՆԵՍԲԱՆԿ» ՓԲԸ 21.02.2019թ. Բանկի Վարչության նախագահ Արսեն Միքայելյանը նշանակվել է ՙՀԱՅԲԻԶՆԵՍԲԱՆԿ՚ ՓԲԸ Խորհրդի նախագահ:
Բանկի միակ բաժնետեր Վիտալի Գրիգորյանցը բարձր է գնահատում Արսեն Միքայելյանի 2013 թվականից մինչ օրս Բանկի Վարչության նախագահի պաշտոնում կատարած անձնվեր եւ բարեխիղճ աշխատանքը, նրա ներդրումը Բանկի կայունացման, զարգացման եւ հուսալիության գործում, ինչի արդյունքում 19.02.2019թ. Բաժնետերերի արտահերթ ընդհանուր ժողովի որոշման համաձայն՝ Արսեն Միքայելյանը դարձել է «ՀԱՅԲԻԶՆԵՍԲԱՆԿ» ՓԲԸ 5% բաժնետեր:
Արսեն Միքայելյանի պաշտոնավարման տարիներին Բանկն ահռելի տեմպերով բարձրացել է հայաստանյան բանկերի ռեյտինգային սանդղակով եւ շատ կարճ ժամանակահատվածում, շնորհիվ նոր հաճախորդների ներգրավման, սպասարկման որակի բարձրացման, փոխշահավետ կորպորատիվ համագործակցության, ավանդների ներգրավման ծավալների աճի, մասնաճյուղային ցանցի ընդլայնման եւ նոր աշխատատեղերի ստեղծման, զբաղեցրել է առաջատար դիրքերից մեկը:
Միաժամանակ տեղեկացնում ենք, որ Բանկի նոր Վարչության նախագահ է նշանակվել Արտավազդ Սարգսյանը: