Մարտի մեկի գործերից գերակշիռ մեծամասնությունով ավարտված են թղթակցությունն ու նամակագրությունը Հայաստանի եւ ՄԻԵԴ-ի միջեւ, եւ այդ գործերը Եվրոպական դատարանում ներկայացրել է ՀՀ ներկայացուցիչ Գեւորգ Կոստանյանը: Այսօր՝ փետրվարի 22-ին, լրագրողների հետ զրույցում ասաց ՀՀ արդարադատության նախարար Արտակ Զեյնալյանը:
«Անկախ նրանից, որ ԱԺ-ում լսումների ժամանակ ընդդիմացել ենք դրան, ներկայացրել ենք հակափաստարկներ, բայց ի պաշտոնե արդեն մենք դրան բացարձակապես չենք միջամտել: Թեեւ լիազորված լինելով իրականացնել ՀՀ անունից միակողմանի հայտարարություն, հաշտության համաձայնության առաջարկություն, մենք չենք միջամտել, որպեսզի բացահայտվի ճշարտութունը եւ գնահատվի անկախ եւ անկողմնակալ դատարանի կողմից»,-ասաց նա:
Նրա փոխանցմամբ՝ իրականությանը չեն համապատասխանում ան լուրերը, թե իբր Հայաստանի իշխանությունները փորձում են ճնշում գործադրել Եվրոպական դատարանի վրա, որպեսզի նախորդ իշխանություններից մնացած գործերը պարտվեն:
