Հայկական ատոմակայանի հետ կապված իրավիճակը տագնապահարույց է: Փետրվարի 22-ին լրագրողների հետ հանդիպման ժամանակ այս մասին ասաց Հայաստանի Դեմոկրատական կուսակցության նախագահ Արամ Գ.Սարգսյանը:
Նրա խոսքով՝ 67 մարդ հայտարարել է այն մասին, որ պատրաստվում է ցածր աշխատավարձի պատճառով աշխատանքից ազատվել: «Իշխանությանը կոչ եմ անում այս հարցով լրջորեն զբաղվել՝ հաշվի առնելով Հայաստանի համար հայկական ԱԷԿ-ի ռազմավարական նշանակությունը»,- նշեց նա: Սարգսյանը հավելեց, որ այս հարցի լուծման ձգձգումը կարող է հանգեցնել արտակարգ իրավիճակների: