ԱՄՆ նախագահ Դոնալդ Թրամփը Հանոյում գտնվելու ընթացքում, որտեղ նախատեսված է նրա հանդիպումը Հյուսիսային Կորեայի առաջնորդ Կիմ Չեն Ընի հետ, քաղաքում կտեղաշարժվի Cadillac One լիմուզինով, որը հայտնի է որպես Beast (անգլերենից թարգմանաբար նշանակում է «գազան»), հաղորդում է VnExpress պորտալը:
Փետրվարի 23-ին՝ շաբաթ, մեքենան նկատել են Հանոյի փողոցներում: Նշվում է, որ Վիետնամի մայրաքաղաք է տեղափոխվել երկու Cadillac One, ուղեկցության համար նախատեսված մեքենաներ եւ գագաթաժողովի անցկացման համար սարքավորումներ:
Ավելի վաղ ԱՄՆ նախագահը հաստատել էր, որ ԿԺԴՀ ղեկավարի հետ նրա թվով երկրորդ հանդիպումը տեղի կունենա փետրվարի 27-28-ը Վիետնամի մայրաքաղաքում: Հանդիպման նախապատրաստման համար Կիմ Չեն Ընի օգնականն արդեն ժամանել է Հանոյ:
