Google-ը, Facebook-ը եւ Twitter-ը կեղծ լուրերի դեմ պայքարում չեն կատարել իրենց պարտավորությունները: Գլխավոր եվրոպական ընտրություններից երեք ամիս առաջ այս մասին հայտարարել է Եվրահանձնաժողովը:
Տեխնոլոգիական ընկերությունները եւ առեւտրային կազմակերպությունները, որոնք ներկայացնում են գովազդային ինդուստրիան, հոկտեմբերին կեղծ լուրերի տարածման դեմ պայքարի կամավոր վարքականոն էին ստորագրել՝ ավելի կոշտ օրենսդրական ակտերի կանխարգելման նպատակով, գրում է Reuters-ը:
Բրյուսելը նպատակ ունի դիմակայել կեղծ լուրերի սպառնալիքին կամ օտարերկրկա միջամտությանը Եվրախորհրդարանի ընտրությունների նախընտրական քարոզարշավի ժամանակ, ինչպես նաեւ առաջիկա ամիսներին Բելգիայում, Դանիայում, Էստոնիայում, Ֆինլանդիայում, Հունաստանուոմ, Լեհաստանում, Պորտուգալիայում եւ Ուկրաինայում ընտրությունների ժամանակ:
Եվրոպական անվտանգության հանձնակատար Ջուլիան Քինգը քննադատել է կեղծ լուրերի դեմ պայքարում առաջընթացի բացակայությունը:
«Ցավոք, նրանք ավելի շատ են հետ ընկել: Նրանք պետք է համապատասխանեն այն չափանիշներին, որոնց մասին մենք խնդրում ենք, եւ որոնց տակ նրանք ստորագրել են», - ասել է Քինգը:
Եվրոպական հանձնաժողովը հաղորդել է, որ Facebook-ը չի տրամադրել հունվարին քաղաքական գովազդի դեմ իր գործողությունների եւ եւ կեղծ հաշիվների քանակի մասին տեղեկատվություն, որոնք ջնջվել են Եվրոպական միության դեմ չարամիտ գործողությունների պատճառով:
ԵՀ-ն նաեւ եզրակացրել է, որ քաղաքական գովազդի դեմ Google- ի միջոցները բավականաչափ կոնկրետ չեն եղել:
Հանձնակատարը նաեւ քննադատել է Twitter-ին քաղաքական գովազդի մոնիթորինգի առաջընթացի գնահատման համար ստուգողական ցուցանիշներ չներկայացնելու համար:
