Վաշինգտոնի եւ Մանիլայի միջեւ 1951թ․ կնքված Փոխադարձ պաշտպանության մասին պայմանագիրը եւ Հարավ-Չինական ծովում տարածքային հակամարտությունները վերանայելու առաջարկությունը , հավանաբար, կքննարկվի ԱՄՆ պետքարտուղար Մայք Պոմպեոյի այցի ընթացքում՝ հայտնում է AP-ը։
Պոմպեոն Մանիլա է ժամանել հինգշաբթի օրը, եւ, ինչպես սպասվում էր, տեղեկացրել է նախագահ Ռոդրիգո Դուտերտեին Դոնալդ Թրամփի եւ Կիմ Չեն Ընի բանակցությունների մասին։
Տեղացի պաշտոնյաների խոսքերով, պաշտպանության նախարար Դելֆին Լորենցանան մինչեւ պայմանագրի շուրջ պաշտոնական բանակցությունների սկսվելը հաջորդ ամիս կհանդիպի Պենտագոնի պաշտոնյայի հետ։ Պայմանագիրը դաշնակիցներին կոչ է անում միմյանց պաշտպանել արտաքին հարձակումից։
