Կառավարության ծրագրում արմատական փոփոխություններ նախատեսված չեն: Մարտի 6-ին լրագրողների հետ հանդիպման ժամանակ այս մասին ասաց Հայրենական ապրանք արտադրողների միության նախագահ Վազգեն Սաֆարյանը:
Նրա խոսքով, տնտեսական քաղաքականությունը կշարունակվի ազատ շուկայական հարաբերությունների եւ ազատականության ոգով, որն իրականացվել է 30 տարի եւ հանգեցրել միայն աշխատատեղերի կրճատմանը եւ արտագաղթին:
«Ժամանակն է հրաժարվել այս մոտեցումից եւ պետական կարգավորման տարրեր ներդնել: Կարծում եմ, պետք է վերադառնանք 2011 թ. դեկտեմբերին նախորդ իշխանությունների կողմից ընդունված մոտեցումներին: Այդ ժամանակ իշխանությունները նախանշել էին 300 մլն դրամ հատկացնել տնտեսության գլխավոր ոլորտի՝ արդյունաբերության զարգացման համար», - նկատեց նա:
Նա հավելեց, որ անհրաժեշտ է վերանայել այն մոտեցումը, ըստ որի շուկայական տնտեսությունը կկարգավորի ամեն ինչ, քանի որ ամբողջ աշխարհում դրանից վաղուց հրաժարվել են: «Առանց պետական կարգավորման, արդյունաբերության զարգացումը անհնար է, իսկ առանց դրա՝ փոքր եւ միջին բիզնեսի զարգացումը, ինչի մասին շատ է խոսվում», - բացատրեց Սաֆարյանը:
ՀԿ ղեկավարի խոսքով՝ անհրաժեշտ է գնահատել եւ վերանայել սեփականաշնորհման արդյունքները, բացի այդ պարզել, թե որքանով նպատակահարմար էր ժամանակին արդյունաբերության նախարարության լուժարումը: «Արտաքին առեւտրի ոլորտում գրագետ պետական քաղաքականության արդյունքում մենք կարող էինք այօսր շուրջ 200 մլն դոլար առեւտրային կապիտալ ունենալ, որը կարելի էր ներդրել արդյունաբերության զարգացման մեջ», - եզրափակեց Վազգեն Սաֆարյանը: