ՆԱՏՕ-ն այդ հարցում պաշտոնական դիրքորոշում չունի, եւ, եթե ազնիվ լինենք, չեմ կարծում, որ այն կհայտնվի։ Այս մասին մարտի 11-ին Երեւանում մամուլի ասուլիսի ժամանակ հայտարարել է ՆԱՏՕ-ի գլխավոր քարտուղարի Հարավային Կովկասի եւ Կենտրանական Ասիայի հարցերով հատուկ ներկայացուցիչ Ջեյմս Ապատուրայը՝ մեկնաբանելով Սիրիա 83 հոգուց բաղկացած հայկական մարդասիրական առաքելություն ուղարկելը։ Ամեն դեպքում այդ հարցն այսօր քննարկվել է ՀՀ արտաքին գործերի եւ պաշտպանության նախարարների հետ։ «Ես լսեցի իրավիճակի հետ կապված նրանց վերլուծությունը Հայաստանի տեսակետից եւ փաստարկները, որոնց համար նա արել է դա»,- ասել է Ապատուրայը։