Սլովակիան քննարկում է Հայաստանում դեսպանատուն բացելու հարցը: Երեւանում մամուլի ասուլիսին այս մասին ասաց ԵԱՀԿ գործող նախագահ, Սլովակիայի արտգործնախարար Միրոսլավ Լայչակը:
Նրա գնահատմամբ՝ երկկողմ հարաբերությունները զարգանում են, կողմերը պատրաստ են խորացնել երկխոսությունը: Սլովակյան կողմը քննարկում է Հայաստանում Սլովակիայի դեսպանատան բացման հարցը:
Միրոսլավ Լայչակը Հայաստանին շնորհավորեց ընտրությունների բարեհաջող անցկացման կապակցությամբ: Խոսելով գործընկեր Զոհրաբ Մնացականյանի հետ հանդիպման մասին՝ Լայչակն այն նախորդ չորս հանդիպումներից ամենակառուցողականը եւ ծավալունն անվանեց: