Նյու Յորքում 64-ամյա կինը հայտարարել է, որ իր ծնողների գերեզմաններն այցելելու ժամանակ հայտնվել է փոսի մեջ, որն առաջացել էր հողաթմբի վրա գերեզմանատան աշխատողների թերի աշխատանքի պատճառով, հաղորդում է Gazeta-ն՝ հղում կատարելով New York Post-ին:
Կնոջ խոսքերով՝ ոչ ոք չէր արձագանքում օգնության նրա կանչին: Երբ նա փորձել էր դուրս գալ, քարին հարվածելու հետեւանքով վնասվել էր նրա դեմքն ու կոտրվել ատամը:
Ամերիկուհին նաեւ սթրես էր ապրել եւ ստացել հուզական տրավմա: Այժմ նա վախենում է բաց տարածությունից, նրան տանջում են գիշերային մղձավանջները, եւ հաճախ նա գլխացավ է զգում:
Նշվում է, որ կինը դատի է տվել գերեզմանատանը՝ պահանջելով 5 մլն դոլարի չափով փոխհատուցում:
