Պակիստանում օրենսդիրները Կանանց միջազգային օրվան նվիրված երթերը համարել են «հակաիսլամական»՝ հայտնում է AP-ը։

Խայբեր շրջանի խորհրդարանի պատգամավորներն ընդունել են միաձայն բանաձեւ, որում ողջ երկրով մեկ անցկացված երթերն անվանել են «անամոթ եւ հակաիսլամական ակտ»։

Երթերի ընթացքում պակիստանցի կանայք տարել են կանանց իրավունքների պահպանումը պահանջող պաստառներ՝ քննադատելով Պակիստանի նահապետական հասարակությանը։

Պաստառները բուռն քննարկման առիթ են դարձել սոցցանցերում այն բանից հետո, երբ պահպանողական եւ աջ կրոնական առաջնորդները դրանք անբարոյական են անվանել։