News
Լրահոս
News
Երեքշաբթի
Մարտ 19
Տեսնել լրահոսը

Կարճ ժամանակ առաջ արդեն 5-րդ գանգատն ենք ուղարկել Եվրոպական դատարան: Այս մասին, այսօր՝ մարտի 23-ին, լրագրողների հետ հանդիպման ժամանակ նշեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը:

Նրա խոսքով, Եվրոպական կոնվենցիայի 5-րդ հոդվածի 4-րդ կետն ասում է, որ յուրաքանչյուր ոք, ով զրկված է ազատությունից, իրավունք ունի վիճարկել իրեն կալանավորելու որոշումը, եւ վերադաս ատյանը պարտավոր է նրան անհապաղ ազատ արձակել, եթե կալանավորումը եղել է անօրինական:

«Եվ կա ՄԻԵԴ-ի մի քանի վճիռ, որ այդ նորմից բխում է, որ վերադաս դատարանը պարտավոր է անհապաղ քննել կալանավորման որոշման դեմ բողոքը:

Մենք վճռաբեկ դատարան բողոք ենք ներկայացրել դեկտեմբերի 25-ին եւ մինչեւ հիմա դատարանը ոչ միայն չի քննել, այլեւ անգամ վարույթ ընդունել-չընդունելու հարցը չի որոշել: Մենք երկար սպասեցինք՝ մտածելով, որ Վճռաբեկ դատարանը հետեւություններ կանի, բայց չարեց: Մենք որոշեցինք, որ Վճռաբեկ դատարանին ինչ-որ բան հասկացնելու ամենակարճ ճանապարհը ՄԻԵԴ դիմելն է»,-հայտարարեց Ալումյանը:

Նա համոզմունք հայտնեց, որ եթե հիմա իր խոսքը Վճռաբեկ դատարանը լսի, շատ կարճ ժամանակ անց ինչ-որ որոշում կկայացնի:

Ալումյանը նշեց, որ Հայաստանի օրենքները ստորադաս են Եվրոպական կոնվենցիայի համեմատ և, եթե Հայաստանի օրենքը նախատեսում է, որ 3 ամսվա ընթացքում պետք է Վճռաբեկ դատարանը որոշի վարույթ ընդունելու կամ չընդունելու հարցը, ապա Եվրոպայի կոնվենցիան ասում է, որ կալանավորման հետ կապված հարցը պետք է քննվի անհապաղ: Ուրեմն մեր օրենսդրությունն արդեն նշանակություն չունի: Եթե Վճռաբեկ դատարանը սպասում է, որ 3 ամիսը լրանա և վերջին օրը կայացնի որոշում, ամենայն հավանականությամբ, դա կհամարվի Եվրոպական կոնվենցիայի 5 հոդվածի 4-րդ կետի խախտում: Եվրոպական դատարանի այն գործում, որը վկայակոչվել է գանգատում, ընդամենը 20 օրվա մեջ էր նիստը նշանակվել: Եվրոպական դատարանը համարեց, որ անհապաղ քննելու սկզբունքը խախտված է»,- եզրափակեց Ալումյանը: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բաքվում մտադիր են «հավերժացնել» Հայոց ցեղասպանության գաղափարախոսներից մեկի եղբոր հիշատակը
Բաքվում մտադիր են հավերժացնել...
Ալեն Սիմոնյանը եւ ՔՊ-ական պատգամավորները հարգանքի տուրք են մատուցել մարտի 1-ի զոհերի հիշատակին
Գրիգոր Լուսավորչի փողոցին հարակից այգում գտնվող «Ազդեցություն եւ հակազդեցություն» հուշարձանին...
Ապագայում, մարտի 1-ը դառնալու ա Հայաստանի սուվերենության փրկության օր. Տիգրան Քոչարյան
Այդ ժամանակ ՀՀ իշխանության մեջ գտնվող մի քանի մարդկանց...
Մարտի 1-ի դեպքերով Ռոբերտ Քոչարյանի, Յուրի Խաչատուրովի և մյուսների գործով Վճռաբեկ դատարանը դիմել է ՍԴ
Քոչարյանն ու նրա ենթակաները արդարացվեցին 2021թ․ ապրիլին, երբ ՍԴ-ն...
Ավինյանը ավագանու ՔՊ և «Հանրապետություն» խմբակցությունների  հետ հարգանքի տուրք է մատուցել մարտի 1-ի զոհերի հիշատակին
Գրիգոր Լուսավորիչ փողոցին հարակից այգում գտնվող «Ազդեցություն և հակազդեցություն» հուշարձանին...
Քաղպաշտպանության համակարգի զարգացումը և կարողությունների հզորացումը ՆԳՆ գերակա ուղղություններից է. Վահե Ղազարյան
Ամեն տարի մարտի 1-ին աշխարհը համախմբվում է՝ նշելու Քաղաքացիական…
Ամենաշատ