Ճապոնական Օկինավա կղզու կենտրոնական մասում գտնվող ԱՄՆ ծովային հետեւակի Քեմփ Ձուկերան ռազմակայանում տեղի է ունեցել պայթյուն։ Այս մասին տեղեկացնում է Kyodo տեղեկատվական գործակալությունը՝ հղում կատարելով ամերիկյան ռազմական ոստիկանությանը։

Անհայտ անձինք կարողացել են թափանցել օբյեկտ՝ քանդելով նրա պարսպի մի մասը։ Դրանից հետո պայթեցրել են շենքի մոտ տեղադրված գազի բալոնը, որը բազայում օգտագործում էին Ճապոնիայի պաշտպանության նախարարության ներկայացուցիչները։ Ոչ ոք չի տուժել։

Քեմփ Ձուկերան ռազմակայանում է գտնվում Օկինավայում տեղակայված ԱՄՆ ծովային հետեւակի խմբավորման շտաբը։ Այս կղզում է կենտրոնացած Ճապոնիայում ամերիկյան բազաների 70 տոկոսը։ Տեղի իշխանությունները եւ հասարակության ներկայացուցիչները հետեւողականորեն հանդես են գալիս այստեղ ԱՄՆ ռազմական ներկայության կրճատման օգտին, տեղեկացնում է ՏԱՍՍ-ը։