Հնդկաստանում աճուրդի կհանեն արվեստի գործեր, որոնք մի ժամանակ եղել են փախստական ոսկերիչ միլիարդատեր Նիրավ Մոդիի հավաքածուի մի մասը։ Նկարները բռնագանձվել են կառավարության կողմից՝ հայտնում է AFP-ը։
Աճուրդում կներկայացվեն մոտ 68 ստեղծագործություններ։ Դրանց վաճառքից ակնկալվում է ստանալ 300-500 մլն ռուպի (4,4-7,3 մլն դոլար)։
48-ամյա Մոդին, ում ադամանդները շողում էին հոլիվուդյան աստղերի վրա, Պանջաբայի ազգային պետական բանկում 2 միլիարդ դոլար վարկի հետ կապված խարդախության գլխավոր մեղադրյալներից է։ Մոդին հերքում է մեղադրանքները եւ համարում, որ դրանք քաղաքական դրդապատճառներ ունեն։
Անցյալ շաբաթ նա ձերբակալվել է բրիտանական իշխանությունների կողմից։