Աֆղանստանը հետ է կանչել Պակիստանում իր դեսպանին՝ կապված Աֆղանստանում ժամանակավոր կառավարություն ձեւավորելու մասին Պակիստանի վարչապետ Իմրան Խանի մեկնաբանությունների հետ՝ հայտնում է Reuters-ը։

Խանը պակիստանցի լրագրողներին հայտարարել է, թե աֆղանական ժամանակավոր կառավարության ձեւավորումը կնպաստի ԱՄՆ-ի եւ թալիբների պաշտոնատար անձանց միջեւ բանակցություններին։

Նշենք, որ թալիբները հրաժարվում են Աֆղանստանի կառավարության հետ ուղիղ բանակցություններից՝ նրան համարելով ԱՄՆ-ի խամաճիկ։