Սկսած 2018-ի մայիսից նախկին ԱԺ մեծամասնության ներկայացուցիչները թաշկինակներն առած առավոտից իրիկուն լացեր էին դնում ԵԽԽՎ-ի միջանցքներում, որ վայ, մեզ էստեղ հետապնդում են, հալածում են, չգիտեմ ինչ են անում: Այս մասին, այսօր՝ մարտի 27-ին, ԱԺ-ում հայտարարեց ՀՀ վարչապետ Նիկոլ Փաշինյանը:
«Նրանք համարում էին, որ այն մանիպուլյացիաները, որ իրենց հաջողվել է անել իրենց իշխանավարման տարիներին, որ ամենասուր հարցերը լղոզեն, դզեն, փչեն, հիմա էլ հաջողվելու է հակառակ պրոցեսն անել: Ուրախ եմ արձանագրել, հույս ունեմ, որ տեսել եք դա, ընդամենը 2 օր առաջ հրապարակվեց ԵԽԽՎ Հայաստանի համազեկուցողների հաղորդագրությունը ՀՀ կատարած ացի վերաբերյալ: Երրորդ հանրապետության մեջ առաջին անգամ է, որ համազեկուցողները գալիս են եւ այցի արդյունքներով զրո պրիտենզիա Հայաստանի Հանրապետության կառավարության նկատմամբ, զրո կասկած ՀՀ կառավարության մտադրությունների նկատմամբ: Զրո կասկած Հայաստանում տեղի ունեցող քաղաքական փոփոխությունների վեկտորի նկատմամբ»,-ընդգծեց Փաշինյանը:
Նրա խոսքով, սրանք բաներ են, որոնք չեն նկատվում, ինչպես չի նկատվում առողջությունը. «Առողջ մարդն ամեն օր վեր չի կենում եւ հայտարարում՝ էս ինչ լավ է, որ ես առողջ եմ: Սա ես ասում եմ որպես հաջողություն, ոչ թե պրիտենզիա: Սա մեր ամենակարեւոր հաջողությունն է»: