Ղազախստանի առաջին նախագահ, ազգի առաջնորդ Նուրսուլթան Նազարբաեւը կմասնակցի Եվրասիական տնտեսական միության (ԵԱՏՄ) գագաթնաժողովին, որը կկայանա մայիսի 29-ին Նուր Սուլթանում: Այդ մասին հայտնել է Ղազախստանի նախագահ Քասիմ-Ժոմարտ Տոկաեւը:
«25 տարի առաջ Մոսկվայի պետական համալսարանում Ղազախստանի Հանրապետության նախագահը ներկայացրել էր եվրասիական ինտեգրման մասին իր տեսլականը՝ դառնալով, ըստ էության, իրականության դարձած հայեցակարգի հեղինակը: Մայիսի 29-ին Նուր Սուլթանում կկայանա ԵԱՏՄ-ի հոբելյանական գագաթնաժողովը: Էլբասի (ազգի առաջնորդ) Նուրսուլթան Նազարբաեւը կմասնակցի պատվավոր հյուրի կարգավիճակով»,-գրել է Տոկաեւը Twitter-ում: