Երեւանում, այսօր՝ մարտի 30-ին, խոշոր ավտովթար է տեղի ունեցել. Ժամը 13։25-ի սահմաններում Երեւանի բնակիչ Արտաշես Գ.-ն իր վարած բեռնատար Mercedes մակնիշի կցորդիչով ավտոմեքենայով Աճառյան փողոցում՝ «Lada» սերվիսի դիմաց, դուրս է եկել ճանապարհի երթեւեկելի գոտուց, բախվել մի քանի ծառերի եւ մասամբ փակել ճանապարհի երթեւեկելի գոտին։

Shamshyan.com-ի  հաղորդմամբ, ըստ նախնական տեղեկությունների՝ վթարի հետեւանքով բարեբախտաբար զոհեր եւ վիրավորներ չկան։

Վթարի հետեւանքով տապալվել են մի քանի ծառեր եւ էլեկտրասյունը։ Օպերատիվորեն ժամանել են նաեւ «Ավան կանաչապատում» ՓԲԸ աշխատակիցները, որոնք հատուկ էլեկտրական սղոցով մասնատել են տապալված ծառը եւ տեղափոխել այլ վայր։