YouTube տեսահոսթինգի օգտատերերը չորեքշաբթի տեղեկացրել են սերվիսի աշխատանքի խափանման մասին։ Այս մասին վկայում են Downdetector սերվիսի տվյալները, տեղեկացնում է ՏԱՍՍ-ը։

Ամենից հաճախ սերվիսի օգտատերերը դժգոհում են տեսանյութերի հեռարձակման խնդիրներից (64 տոկոս), 22 տոկոսը դժգոհում է կայքի ոչ կոռեկտ աշխատանքից, եւս 13 տոկոսը չի կարողանում մտնել իր աքաունթները։

Սերվիսի աշխատանքի խնդիրներ նկատվել են ողջ աշխարհում, այդ թվում Ռուսաստանում, ԱՄՆ-ում, Ուկրաինայում, Ճապոնիայում, Ֆրանսիայում, Գերմանիայում, Մեծ Բրիտանիայում, Բուլղարիայում եւ Ռումինիայում։