Սուդանի նախագահ Օմար ալ Բաշիրը ռազմական հեղաշրջումից առաջ փորձել է երկրից հեռանալ, հայտնում է Аl Аrabiya-ն:
Աղբյուրների տեղեկություններով՝ ալ Բաշիրը փախուստի փորձը կատարել է երեկ՝ ապրիլի 10-ին:
Երկրի մայրաքաղաք Խարտումի օդանավակայանը փակ էր:
Հիշեցնենք, որ Սուդանի նախագահ Օմար ալ Բաշիրը իր պաշտոնից հրաժարական է ներկայացրել: Ներկայումս խորհրդակցություններ են ընթանում անցումային խորհուրդ ձեւավորելու շուրջ:
Անցյալ տարվա դեկտեմբերի կեսին երկրում ծավալվել էին ժողովրդական բողոքի ցույցեր, որոնք սկզբում տնտեսական բնույթ ունեին. իշխանություններին կոչ էր արվում նվազեցնել հացի եւ մյուս սննդամթերքների գները: