News
Լրահոս
News
Երեքշաբթի
Հուլիս 23
USD
476.18
EUR
534.18
RUB
7.56
ME-USD
0.17
Տեսնել լրահոսը


Միայն հերոսի հատկանիշներ ունեցող դատավորը այս փուլում կարող է կայացնել օբյեկտիվ որոշում։ Այս մասին ՀՀ վերաքննիչ քրեական դատարանում իր խափանման միջոցի գործով բողոքի քննությանը  հայտարարել է ՀՀ երկրորդ նախագահ Ռոբերտ Քոչարյանը։ Երկրորդ նախագահի պաշտպան Հայկ Ալումյանը այսօր՝ ապրիլի 12–ին, լրագրողների հետ հանդիպմանը, մեկնաբանելով Վերաքննիչ քրեական դատարանի դատավոր Ռուզաննա Բարսեղյանի կողմից Քոչարյանի պաշտպաների բողոքը մերժելու վերաբերյալ երեկվա որոշումը՝ մեջբերեց երկրորդ նախագահի խոսքերը։

«Ինչպես պարոն Քոչարյանն ասաց այդ դատավարության ժամանակ, մենք իհարկե չենք կարող ակնկալել, որ դատավորը պետք է նաեւ հերոս լինի, իսկ այս գործով միայն հերոսի հատկանիշներ ունեցող դատավորը կարող է այս փուլում կայացնել օբյեկտիվ որոշում»,–ասաց նա՝ նկետելով, որ բավարար չէ, որ դատավորը նաեւ լավ իրավաբան լինի.

«Ստեղծված իրավիճակում որպեսզի դատավորը Քոչարյանի գործով կայացնի օբյեկտիվ որոշում, ինքը նաեւ պետք է հերոս լինի»,–ասաց փաստաաբանը։

Ըստ պաշտպանի՝ դատավոր Ռուզաննա Բարսեղյանի կողմից պաշտպանական կողմի բողոքը մերժելու վերաբերյալ որոշումը իրավաբանական տեսանկյունից ծայրաստիճան մեծ խախտում էր։

«Վերաքննիչ քրեական դատարանը կոպտորեն խախտեց քրեական դատավարության օրենսգրքի բազմաթիվ նորմեր։ Մեր փաստարկները բավարար են, որպեսզի պարոն Քոչարյանն անմիջապես ազատ արձակվեր։ Չկա որեւէ կասկած, որ հնարավոր է  պարոն Քոչարյանը կատարած լինի 300.1 հոդվածով նախատեսված արարք։ Նման ենթադրությունը զուրկ է որեւէ  հիմքից»,–ասաց նա։

Հիշեցնենք, որ Վերաքննիչ քրեական դատարանը ապրիլի 11-ին որոշու էր կայացրել մերժել Հայաստանի երկրորդ նախագահ Ռոբերտ Քոչարյանի կալանավորումը եւս երկու ամսով երկարացնելու դեմ պաշտպանների ներկայացրած վերաքննիչ բողոքը:

Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դատախազությունը քննարկում է Գեղամ Պետրոսյանի նկատմամբ քրեական հետապնդումը դադարեցնելու հարցը
Վերջինս տեղեկացրեց, որ միջնորդության վերաբերյալ որոշում կընդունվի դրա համար էական հանգամանքների պարզումից հետո...
Փաշինյանը տեղյակ է, որ Մարտի 1-ին տանկի թրթուրների տակ ճզմված մարդիկ չեն եղել. Ալումյան
Եթե վարչապետը մայրաքաղաք տանկեր մտնելու հետ կապված հիպերբոլա է…
ԲԴԽ անդամները կհանդիպեն Քոչարյանի գործով դատավորի հետ
Բարձրագույն դատական խորհրդի անդամներն այսօր ժամը 16:00–ին կհանդիպեն...
ՍԴ–ն կասեցրել է Քոչարյանի և դատավոր Գրիգորյանի դիմումների գործով վարույթները և դիմել Վենետիկի հանձնաժողովին
Խորհրդատվական կարծիք ստանալու նպատակով կդիմեն նաև ՄԻԵԴ–ին...
Ռոբերտ Քոչարյանի պաշտպանները դիմել են դատավորներ Արմեն Դանիելյանին եւ Դավիթ Գրիգորյանին
Քոչարյանի պաշտպանները մի քանի անգամ խնդրել են Դավիթ Գրիգորյանին հրատապ նիստ նշանակել, սակայն արձագանք չեն ստացել...
Ռոբերտ Քոչարյանի փաստաբանները վճռաբեկ բողոքներ են ներկայացրել
Վճռաբեկ դատարան դիմելու վերջնաժամկետը լրացել է երեկ...