Եվրոպամետ պահպանողական, սոցիալիստական եւ լիբերալ կուսակցությունների դաշինքը մայիսին Եվրախորհրդարանի ընտրություններում բացարձակ մեծամասնություն կստանա, թեեւ եվրասկեպտիկները առավելություն կունենան՝ հայտնում է Reuters-ը՝ վկայակոչելով հարցումների արդյունքները։

Քանի որ սպասվում է, որ Բրիտանիան կմասնակցի ընտրություններին այն բանից հետո, երբ նրա դուրս գալը ԵՄ-ից հետաձգվել է, Եվրախորհրդարանում եվրասկեպտիկների մասնաբաժինը այժմյան մոտավորապես 10 տոկոսից կաճի մինչեւ 14,3 տոկոս։

Մարտին կայացած նախորդ հարցման մեջ այդ ցուցանիշը կազմում էր 13 տոկոս, սակայն դրանում ընդգրկված չէին բրիտանացի ընտրողները։

Ներկայում աջակենտրոն եւ ձախակենտրոն խմբավորումների դաշինքը մեծամասնություն է կազմում։

Նոր հարցման համաձայն, տեղերի թիվը կմնա 751, աջակենտրոն Եվրոպական ազգային կուսակցությունը կմնա ամենախոշոր խմբակցությունը՝ 180 տեղով, որը կազմում է ընդհանուր թվի 24 տոկոսը։

Ձախ սոցիալիստները եւ դեմոկրատները մեծությամբ երկրորդը կլինեն՝ 149 տեղով (19,8%), իսկ լիբերալները կմնան երրորդ տեղում՝ 76 տեղով (10%)։