«Լուսավոր Հայաստանը» դեմ կքվեարկի Գեղամ Գեւորգյանի թեկնածությանը, որն առաջադրել է Հայաստանի վարչապետ Նիկոլ Փաշինյանը՝ որպես Տնտեսական մրցակցության պաշտպանության պետական հանձնաժողովի նախագահի թեկնածու։ Այս մասին ապրիլի 19-ին Ազգային ժողովի նիստում, Տնտեսական մրցակցության պաշտպանության պետական հանձնաժողովի նախագահի նշանակման հարցի քննարկման ժամանակ, ասել է «Լուսավոր Հայաստանի» պատգամավոր Արման Բաբաջանյանը։ Նա, մասնավորապես, նշել է, որ չնայած գաղտնի քվեարկության անցկացմանը՝ նրանք արդեն որոշել են, որ «դեմ» են քվեարկելու։