ԵՏՄ շրջանակում Հայաստանի առաջնահերթություններից մեկը գազի, նավթի, էներգառեսուրսների միասնական շուկայի ստեղծումն է։ Այս մասին ասել է Հայաստանի վարչապետ Նիկոլ Փաշինյանը ապրիլի 30-ին Երեւանում կայացած ԵՏՄ միջկառավարական խորհրդի նիստի արդյունքների հիման վրա հրավիրված ճեպազրույցում։
«Ապագայում՝ նաեւ էլեկտրաէներգիայի միասնական շուկայի ստեղծումը»,- շարունակել է Փաշինյանը։ Նրա խոսքով՝ քննարկումները շարունակվում են ինչպես ԵՏՄ, այնպես էլ երկկողմ ձեւաչափով։ «Հույս ունեմ, որ քննարկումները արդյունք կտան»,- նկատել է վարչապետը։ Նա ընդգծել է, որ գազի եւ էլեկտրաէներգիայի գները զգալիորեն ազդում են ապրանքների ինքնարժեքի վրա։ «Աս նրբությունը խիստ կարեւոր է»,- նշել է Փաշինյանը։
Հայաստանի մյուս առաջնահերթությունը թվային օրակարգն է, ինչն էապես կթեթեւացնի տնտեսվարող սուբյեկտների գործունեությունը։
